Më 5 shkurt, Cristiano Ronaldo do të mbushë 40 vjeç, por ndërkohë vazhdon të luajë, të shënojë dhe të thyejë rekorde. Falë dygolëshit të shënuar në fitoren dërrmuese 4-0 të Al-Nassr ndaj Al Ëasl në Ligën e Kampionëve AFC, CR7 ka arritur në 923 gola në karrierën e tij, duke demonstruar edhe një herë ndjenjën e tij të veçantë për golat dhe talentin e tij të pandryshueshëm.

“Unë jam golashënuesi më i mirë, më i kompletuari – deklaroi kampion portugez te La Sexta -. Më i miri në histori? Mendoj se po, nuk kam parë kurrë më të mirë se unë”.

“Unë ende zgjohem me dëshirën për tu stërvitur dhe luajtur – shtoi ai -. Ndoshta pak më pak se më parë, por është pasioni im, më pëlqen ajo që bëj”.

“Më pëlqejnë sfidat e mëdha, u largova nga Madeira në moshën 12-vjeçare, pashë vende, kultura… kështu që nuk ishte e vështirë – shpjegoi Ronaldo -. Më duhet vetëm të kem familjen time, fëmijët e mi dhe Georgina pranë meje”.

“Kur vendosa të lëvizja, nuk mendoja se liga do të rritej kaq shpejt, por e dija që pas një ose dy vitesh do të ishte në krye, siç është tani,” vazhdoi ai. Për CR7, për më tepër, futbolli saudit nuk ka asgjë për t’i pasur zili MLS-së në të cilën luan armiku i tij i përjetshëm, Leo Messi. “Rivaliteti me Messin ishte më shumë një luftë e shëndetshme, si midis Prost dhe Senna – tha CR7 – Ne ndamë skenën e çmimeve për 15 vjet dhe ne gjithmonë shkonim mirë. Ai mbrojti klubin dhe vendin e tij dhe unë mbrojta timin”.

sfidanti.al