Kjo paska qënë  loja ! Ah kjo Kombëtarja,  ah ky Silvinjo, që ndryshoi sapo u bë qytetar nderi si puna jonë.  Pale ky presidenti Duka, “Nastradini i palodhur ”  që u shfaq prapë për të  na treguar përrallën e radhës para ndeshjes me Ukrainën. Premtuan vendin e parë dhe merituan vendin e fundit! Skenar perfekt për të shitur bileta të shtrenjta për një futboll tejet te lirë.  Nuk e themi, por brenda s’mbahet dot :Kombëtarja na është shndërruar si një Parti , por me top dhe pa top, që premton  shumë,  të kushton edhe më shumë për ta parë, të gënjen dhe nuk mban përgjegjësi për atë që ndodh !

Cili e ka fajin ? Ka një trekëndsh të “Bermudës”  edhe në hapësirën  tonë kuqezi ,  që fromëzohet nga  futbollistët, nga Silvinjo dhe presidenti Duka.  Kur bashkohet treshja, në një natë si kjo me Ukrahinën, apo ajo me Çekinë, nuk humbet “avioni”, por humbet vetë trupi i  futbollit!

Tashmë e dimë me sy mbyllur që Kombëtarja refuzon ta luajë pjesën e parë, madje  ka një lloj alergjie patologjike që zgjat 45 minuta.  Dhe  kjo ka ndodhur tri ndeshjet e fundit. Por, kjo  me Ukrainën plasi puseten, pasi  ishte kulmi i një   dezertimi kolektiv, që ndizte edhe fitilin e  ..dyshimit. Nuk dimë se çfarë ilaçi ishte përdorur nga trajneri 1 apo nga “trajneri 2” si do ta sajonim  fantazmën ne pjesen e pare , por dimë se  futbollistët na kënduan me pathos vargjet e himnit   “Kush nga lufta largohet, është lindur tradhëtar…”

Sfidanti.al