Napoli pritet të bëjë ndryshime të shumta në merkaton e verës. Victor Osimhen do të jetë një nga lojtarët që do të sakrifikohet. Kështu, sipas “Il Mattino”, marrëveshja me PSG-në për 120 milionë euro tani duket një hap larg. Marrëdhëniet e mira mes De Laurenttis dhe Al-Khelaifi  kanë lënë pezull një marrëveshje për të cilën është folur që nga vera e kaluar, kur rinovimi përforcues i sulmuesit e kishte bërë efektivisht të qartë se si lamtumira ishte shtyrë, ose më mirë ishte planifikuar për 12 muaj më pas. Për klauzolën prej 120 milionë euro nuk do të jetë e vështirë të gjendet një marrëveshje mes të dy palëve. Osimhen do të fitojë mbi 13 milionë euro në sezon, për 4 vite dhe do t’i menaxhojë vetë të drejtat e imazhit. Vetëm ditët e fundit, sulmuesi ka fluturuar në kryeqytetin francez (me avion privat) për të zgjidhur edhe çështjet personale. Nigeriani ëndërron PSG-në, edhe më shumë se Premier League, edhe pse De Laurentiis do të vlerësonte propozimet nga kushdo, duke supozuar që ato t’i afrohen klauzolës 120 milionë euro.

sfidanti.al