Fundi i sezonit po afron dhe zërat e merkatos bëhen gjithmonë e më të zhurmshëm. Ndër klubet që do të duhet të bëjnë vlerësime të rëndësishme në fund të kampionatit është edhe Milani dhe shumë do të varet nga kualifikimi i kuqezinjve në Champions League dhe ecuria e tyre në këtë sezon të Europa League. Ashtu si në vitin 2023, merkato verore e klubit kuqezi rrezikon të financohet pjesërisht nga një shitja e një lojtari të rëndësishëm dhe Theo Hernandez është sigurisht ndër lojtarët më të njohur në skenën evropiane. Mbrojtësi i krahut, si Leao dhe Maignan për të përmendur disa, është i kërkuar në merkato dhe thashethemet e para kanë filluar të qarkullojnë nga Gjermania. Ndër klubet që e kanë vendosur profilin e Theo Hernandez në krye të listës së blerjeve për verën e vitit 2024 është Bayerni i Mynihut, i cili po përgatitet për largimin e mundshëm të Alphonso Davies drejt Madridit. Me Tuchelin e destinuar të largohet nga pankina në fund të kampionatit, mundësia e një sulmi konkret ndaj mbrojtësit të Milanit do të varet edhe nga zgjedhja e trajnerit të ardhshëm të bavarezëve, por profili i Theos është ndër më të tërheqësit për drejtuesit gjermanë të cilët në të kaluarën kanë pasur tashmë në skuadër vëllanë e tij Lucas. Pozicioni i Milanit është aktualisht i qartë dhe e bën lojtarin të pashitshëm, ai vetë është i bindur në projektin afatgjatë të klubit kuqezi, siç dëshmohet nga rinovimi i fundit i kontratës i nënshkruar pa negociata pafund. Megjithatë, kushtet ekonomike mund të bëjnë ndryshimin, nëse Bayern vendos të fokusohet shumë te francezi. I blerë nga Milani për rreth 21 milionë euro nga Real Madridi, duke mposhtur konkurrencën e Leverkusenit, sot vlera e Hernandez është trefishuar dhe do të sillte një frymëmarrje të rëndësishme (fitim kapital) në arkat dhe bilancet e kuqezinjve, që nuk duhet nënvlerësuar.

sfidanti.al