Bayern Munchen fitoi 1-3 në Mainz, fushë ku kishte humbur tri takimet e fundit në Bundesliga. Sukses i rëndësishëm për kampionët në fuqi të Gjermanisë, por trajnerin Tuchel e shqetëson Leon Goretzka. Mesfushori bavarez, një nga autorët e golave të fitores, theu gishtin në sfidën e së shtunës, dëmtim nga i cili do të qëndrojë disa javë jashtë fushave të blerta.

Goretzka i është nënshtruar gjatë pasdites së sotme një ndërhyrjeje kirurgjikale. Dhe pritet të mungojë rreth tri javë sipas vlerësimeve të para. Gjithsesi, 28-vjeçari do të bëjë maksimumin të jetë në dispozicion të trajnerit Tuchel për Der Klassiker ndaj Borussia Dortmund (4 nëntor).

sfidanti.al