Kuptohet, këto dy skuadrat janë të paarritshme, të paktën për një kohë të gjatë. Me nga 17 tituj Boston Sëlltiksat dhe Los Anxhelos Lejkërsat janë kategoria speciale e NBA-së, me ekipet e tjerë që luftojnë vetëm për vendin e tretë. Këtë pozicion sot e mban me krenari Golden Stejti që ka 7 tituj, ndaj 6 të Çikago Bullsave të Majkëll Xhordanit. Brezi i Kërrit, Tompsonit e Grinit i ka dhënë klubit dhe tifozëve 4 prej këtyre titujve, të parët që nga vitet 1970-të. Titulli i 7-të u fitua në Arenën e madhe të Bostonit dhe ironia e fatit ishte që kjo ndodhi vetëm 2 vjet pasi Golden Stejti vendosi rekordin negativ të humbjeve në sezonin e rregullt duke dalë në vend të fundit. Ishte koha kur Kërri e Tompson ishin të dëmtuar dhe Kevin Duranti ishte larguar, por tashmë ajo kohë është harruar.

Sfidanti.al