Statistikat nuk gënjejnë dhe vlejnë shumë kur flitet për një lojtar ende tepër të ri në moshë. Kilian Mbape ka qenë një “meteor” në qiellin parizien, pasi kontributi i tij në sulmin e PSG-së është vërtetë i jashtëzakonshëm. Në moshën 22-vjeçare, ai ka luajtur 174 ndeshje për Paris SG, në të cilat ka shënuar 133 gola e ka shërbyer 63 asistë. Vetëm lojtarë si Mesi e Ronaldo kanë pasur nivele të tilla, edhe pse e kanë bërë në moshë më të pjekur. Nga ana tjetër, Mbape e ka pasur ndoshta më të lehtë sepse ka qenë kryesisht në kompeticionet franceze, më pak të vështira sesa ato spanjolle apo angleze. Kampioni i botës e ka bërë këtë në 4 sezone, në të cilat ka fituar gjithçka që mund të fitohej në Francë, 11 trofe, nga të cilët 3 kampionate, 3 Kupa të Francës, 2 Kupa të Ligës dhe 3 Superkupa të Francës.

Sfidanti.al