Është me origjinë polake, por ka luajtur gjithnjë për Gjermaninë, me të cilën është aktivizuar 130 ndeshje. Lukas Podolski në moshën 36-vjeçare vendosi të shijonte futbollin në vendin e tij të prejardhjes dhe firmosi kontratë 1-vjeçare me Gornikun e Zabrzes. Prezantimi në stadium ishte i jashtëzakonshëm dhe me mijëra tifozë kishin mbushur tribunat. Ata shpresojnë që Podolski t’i ndihmojë që të ndryshojë fati i skuadrës, që dikur ka qenë dominuese në Poloni dhe që ka 14 tituj kampion e 6 kupa, përveçse finaliste e Kupave të Kupave të Europës në 1970, por me titullin e fundit të fituar në 1988. Podolski premton se do të bëjë çmos për t’ia dalë.

Sfidanti.al