Ai ka tani 72 rrjeta për ekipin kombëtar dhe do të vazhdojë padyshim ta thellojë rekordin, edhe pse mbetet larg 102 golave të Kristiano Ronaldos. Gjithsesi, kohët e fundit Lionel Mesi po arrin të shënojë për Argjentinën vetëm nëpërmjet penalltive. Kështu ndodhi në barazimin 1-1 në eleminatoret e Kupës së Botës në Buenos Aires ndaj Kilit, kur kapiteni ekzekuttoi saktë 11-metërshin, ndërsa Aleksis Sançez barazoi. Po me penallti Mesi ia ka dalë në fitoren 1-0 ndaj Ekuadorit dhe në barazimin 2-2 kundër Uruguajit, ndërsa në fitoren 1-0 në Brazil në një miqësore shënoi menjëherë pasi humbi penalltinë. E njëjta gjë, gol nga 11-metërshi ndodhi në barazimin 1-1 me Uruguajin, ndërsa duhet të kthehemi në 8 qershor 2019 për të parë gola nga loja të Mesit, dy herë ndaj Nikaraguas në fitoren 5-1, përfshi edhe një aksion individual në të cilin shmangu 3 kundërshtarë.

Sfidanti.al