Basketbolli nuk është si futbolli, dhe çuditë ndodhin rrallë. Nuk pati të tilla në përballjet e fundit të luajtura në Euroligë, me skuadrat gjigande që arritën të fitonin. CSKA e Moskës, Reali i Madridit apo Olimpiakos, që të gjithë me shumë tituj në histori, i kapërcyen me sukses ndeshjet e tyre. Moskovitët triumfuan në derbin rus ndaj Uniksit të Kazanjit, luajtur pikërish të Arenën e tyre. Edhe pse nuk ishte titullar, serbi Millosh Teodosiç doli më i miri në fund me 16 pikë e 10 asistë.

Një derbi fitoi edhe Anadolu Efes. Në fushë kundërshtari bëri të vetën përballjen turke, ndaj Darushafakasë, me shifrat 84-79. Reali përballoi mbi 12 000 tifozë në Arenën e Milanos duke dalë fitues 101-90.  Ish-kampionët u shkëputën në fillim dhe pastaj e kontrolluan ndeshjen, sidomos falë tre lojtarëve. Amerikani Randolf shënoi 20 pikë, amerikani tjetër Hanter shtoi 18, po aq sa spanjolli Jul.

Fund i lumtur edhe për ish-kampionin tjetër të Europës, Olimpiakosin. Grekët patën detyrë të vështirë në Vendet Baske, ku trimfuan 95-90 ndaj Baskonia Vitorias. Ishte një mbrëmje historike për kapitenin e tyre, Vasilis Spanulis, që u bë asistuesi i dytë më i mirë në historinë e Euroligës.

B.Kuka