Deri tani e paparë: shënon gol me këmbë në vaterpolo!

Vaterpolistët legjendarë serbë, Sllobodan Nikiç dhe Zhivko Gociç, i dhanë,

dje, lamtumirë zyrtare sportit, kështu që, për nder të tyre, në pishinën

kryesore të Beogradit, u luajt një ndeshje ekzibicioniste mes ekipit kombëtar

të Serbisë dhe një ekipi përfaqësues të botës. Në këtë spektakël morën pjesë

edhe emra të tjerë të njohur nga sporte të tjerë, por qershinë mbi tortë e

vendosi vetë Nikiçi me një veprim atraktiv të tij që nuk ishte parë deri tani

në sportin e vaterpolos. Në fund të ndeshjes, gjatë ekzekutimit të penalltive, për

të përcaktuar fituesin e saj, ai e gjuajti topin me këmbë, duke e nxjerrë atë

sipër ujit, dhe shënoi një gol jashtëzakonisht të efektshëm.