Edhe futbolli të driblon prej shalesh  si politika ! Të gënjen në jetë, pra në fushë, të gënjen edhe me fjalë.. me premtime per Derbin!. Sapo ka mbaruar ndeshja e Partizanit me Bylisin, një barazim i thekur edhe po të vazhdonte ndeshja me ditë, trajneri i Partizanit, Kërnaja ka shkuar tek tifozët e Partizanit në tribunë. Ata që nuk po e dëgjonin se çfarë  thoshte, besonin se po kërkonte falje për shfaqjen zhgënjyese të ekipit te tij ndaj  Bylisit…

Ata që e dëgjuan, me siguri kanë thënë se edhe trajneri i tyre, më fringoja  në kampionat, po  kopjon zakonet e të vjetërve! Pak a shumë u kishte thënë tifozeve se  “Partizanin e vërtetë do ta shikoni në Derbi me Tiranën”! Po pse katapultoi  te Derbi, duke qënë taze fare ndeshja me Bylisin, një ndeshje ku kishte aq shume gjëra për të thënë sa “përralla me derbin” dukej  shumë e largët…

Sfidanti.al