I keni parë sa të gjatë janë “çarçafët e zi ” të  dënimeve të Komisionit të Disiplinës? Apo kur  gjobiten  më shumë futbollistë të rinj se të vjetër, si për t’u thënë : gjeni një sport tjetër! Tamam si ata policët që qëndrojnë në mes të rrugës, te gatshëm  me bllok në dorë për të lëshuar  gjobën, edhe “policët e topit”, pra Komisioni i Disiplinës, sapo  mbaron java marrin  “hanxharin” në dorë dhe bëjnë kërdinë…

Këto dënimet e fundit, më “pikantet” , kanë përfshirë edhe dy stadiume të mbyllur: stadiumi i Egantias dhe stadiumi i Kukësit! Ç‘e ka gjetur futbollin tonë… Është bërë tamam si puna e gomarit që nuk di çfarë uji t’i japësh..të ftohtë apo të ngrohtë. S’ka më ters  se sajohet  loja me stadiumet : politika mburret se po “mbjell” kudo stadiume, FSHF dhe “policët e saj” i mbyllin për futbollin dhe i hapin për Koncerte  ose  për “ndeshjet e partive”..

Po ç‘është ky Komision i Disiplinës, që u mbaka  gjallë duke e vdekur futbollin deri në frymën e fundit ! Madje ka një kuriozitet fatal në këtë mes: sa më pak njerëz në stadiume, aq më shumë dënime në “çarçafin e zi” të gjobistëve. Siç duket edhe “policët e futbollit” rrufisin  përqindje përfitimi për çdo gjobë që kopsisin …

Sfidanti.al