Gareth Southgate, trajneri i Anglisë ka dhënë mendimin e tij pas publikimit të listës përfundimtare me 26 lojtarët e thirrur për Kampionatin Evropian. Mes të grumbulluarve pati surpriza dhe konfirmime, ndërsa mungojnë Maddison, Grealish dhe Maguire.

“Të lë dikë jashtë është një nga pjesët më të vështira të punës sime, nuk ka asnjë dyshim për këtë. Ne jemi një skuadër e bashkuar. Shpresuam të merrnim vendime më të mira për sa i përket lëndimeve dhe disponueshmërisë, kjo është arsyeja pse ne morëm më shumë kohë. Fatkeqësisht, ne gjithashtu duhet të japim lajme të këqija; ne përpiqemi ta bëjmë atë me respekt dhe në mënyrat më humane e mundshme, por e di që për ata që nuk do të vijnë me ne është një goditje shkatërruese. Ata ishin të gjithë të mrekullueshëm në mënyrën se si u përballën me situatën, por e di që është një ditë e vështirë për ta dhe shokët e tyre. Fakti është se kemi disa lojtarë që kanë luajtur jashtëzakonisht mirë gjatë gjithë sezonit”.

sfidanti.al