Jemi ende në tetor dhe superylli argjetinas ka arritur në 27 kontribute goli deri tani në sezon, me 15 rrjeta dhe 12 asistë. Lionel Mesi u bë i pari lojtar që shënon 80 gola në fazën e grupeve në Champions, ndërsa shkëlqeu si pak herë në fitoren 7-2 të Paris SG ndaj Makabit të Haifës në “Parkun e Princave”. Mesi shënoi për 1-0 në 19’ dhe pastaj për 4-1 në 44’, ndërsa shërbeu 2 asistë. PSG ka 11 pikë, po aq sa Benfika, por me golaverazh më të mirë (14-6 ndaj 10-6), ndërsa mbetet ndeshja në Torino me Juventusin.

Duke u kthyer tek Mesi, ai ka 129 gola në Champions në karrierë, duke pasur 4 rrjeta këtë sezon. Kristiano Ronaldo mban rekordin me 140 gola, pra Leos i duhen 11 për ta barazuar dhe 12 për ta kaluar. CR7 nuk është këtë vit në Ligën e Kampionëve dhe kjo mund ta ndihmojë mjaft argjentinasin, sidomos nëse PSG-ja vazhdon kualifikimet për më tej. Në karrierë, Mesi ka 784 gola (818, rekordi i Ronaldos) dhe 371 asistë, që është rekordi botëror që ai e mban vetë.

Sfidanti.al