Shpesh jemi mësuar ta shohim veten në mënyrën më negative apo nënvleftësuese të mundshme, por mirë është të shikojmë edhe se ç’bëhet rreth e rrotull. Madje, le të shikojmë tek një vend si Anglia, e vlerësuar gjithnjë për rregullin dhe përpikmërinë e saj. Nuk ishte i tillë imazhi në ndeshjen ndaj Sllovakisë në eleminatoret e Botërorit. Plot 4 000 apo 5 000 tifozë të kombëtares angleze mezi mundën të hynin në stadiumin “Uembli”, edhe pse ishin pajisur me biletë. Ata u ankuan se pati një gabim në shtypjen e biletave, gjë që detyroi forcat e sigurisë që të kontrollonin tri herë për vërtetësinë e saj.

Gjithsesi, Federata Angleze, u mbrojt duke thënë se një pjesë e tifozëve mbërritën shumë vonë në stadium, duke pasur parasysh sesa shumë janë rritur masat e sigurisë. Gjithsesi, pa problem. Anglezët jokorrektë do të nxitojnë radhën tjetër. Më mirë të vonohen dhe të humbin disa minuta nga Angli-Sllovaki, sesa të protestojnë për masat e sigurisë dhe t’u ndodhë ndonjë e pabërë.

Sfidanti.al