Piloti i njohur i Formula 1, Max Verstappen, dhe partnerja e tij Kelly Piquet janë bërë prindër për herë të parë së bashku, duke mirëpritur në jetë një vajzë të vogël, të cilën e kanë quajtur Lily.

Lajmi u konfirmua përpara nisjes së fundjavës së Çmimit të Madh të Miamit, ku Red Bull bëri të ditur se Verstappen do të mungonte përkohësisht nga angazhimet, pasi ishte në pritje të lindjes së vajzës.

Skuadra ka shprehur: “Gjithçka është në rregull dhe ai do të jetë në pistë për vijimin e fundjavës së garës”!

Çifti kishte bërë publike pritjen e fëmijës për herë të parë në prag të finales së sezonit 2024 në Abu Dhabi, duke marrë vëmendjen e mediave dhe tifozëve të sportit. Me ardhjen në jetë të vajzës së tij, Verstappen i bashkohet listës së baballarëve aktivë në Formula 1, ku është i dyti pas Nico Hulkenberg, i cili ka një vajzë të quajtur Noemi Sky me bashkëshorten e tij Eglė Ruskyte. Ky është një moment i veçantë në jetën personale të kampionit të shumëfishtë të botës, i cili tani do të ndajë pasionin për garat me përgjegjësinë e re të të qenit prind.

sfidanti.al