Erling Haaland është një nga lojtarët më të mirë në botë dhe, si i tillë, me një rrogë në përputhje me këtë standard, mund të përballojë luksin që është përtej mundësive të shumicës së njerëzve të vdekshëm. Mes tyre është edhe posedimi i një avioni privat. Sipas asaj që është zbuluar, së fundi ka bërë një investim të fortë në këtë drejtim. Sipas gazetës britanike “The Sun”, Erling Haaland ka shpenzuar nga 4 deri në 5 milionë euro për një avion të blerë me babain e tij Alfie dhe partnerët e kompanisë norvegjeze “Sola M600”. Ata kanë pasur më parë një “Piper M600”, por e kanë shitur. Megjithëse në fillim mendohej se nuk do të blinin një avion të ri, më në fund vendosën ta bënin këtë. Avioni privat në fjalë është një “Pilatus PC-12”, model luksoz për të cilin thonë se është mbiquajtur “thika e ushtrisë zvicerane e aeroplanëve”. Ky mjet fluturues ka 6 ndenjëse të klasit të biznesit dhe një kabinë moderne të dizajnuar nga marka BMW. Në fushat e blerta, Erling Haaland u rishfaq këtë të mërkurë, kur luajti ndeshjen Manchester City-Burnley. Ai kishte munguar për shkak të lëndimit që nga fillimi i dhjetorit. Ylli norvegjez ka tashmë edhe një avion të ri privat për të lëvizur nëpër botë si të dojë.

sfidanti.al