Ai u tërhoq nga futbolli i luajtur, por më pas ndryshoi mendje, sepse thjesht nuk mund t’i thuash jo një oferte nga Barcelona. Wojciech Szczesny mbërriti në Katalonjë fillimisht vetëm për të zëvendësuar të dëmtuarin Ter Stegen, por tani polaku duket se ndihet si në shtëpinë e tij dhe konfirmimi për sezonin e ardhshëm është gjithnjë e më afër. Aq sa portieri u ekspozua me fjalë të ëmbla për filozofinë e klubit blaugrana. “Futbolli i mrekullueshëm: kjo është ajo që më emocionon te Barça”, tha Szczesny, i cili më pas nënvizoi ndryshimin me klubin e tij të vjetër:

“Tek Juve fokusi kryesor ishte te rezultatet, ndërsa te Barcelona ka një gëzim duke luajtur futboll. Nuk më habit që kjo qasje magjeps miliona tifozë”.

sfidanti.al