Kontrata të tilla japin vetëm ata që kanë fuqi të madhe financiare, një Real, një Bajern, por edhe një Mançester Siti. Pep Guardiola ka siguruar edhe për disa vjet shërbimet e një talenti të pastër dhe të shkëlqyer si Fil Foden që ka rinovuar kontratën me klubin. Sipas mediave britanike, kampionët i kanë dhënë një akord financiar prej mbi 200 000 paundësh stërlina në javë, ndërsa në moshën 22-vjeçare ai është titullar i përhershëm i Sitit, një nga “furnizuesit” kryesorë të Halandit, por që edhe shënon vetë. Kontrata e re është 5-vjeçare, pra deri në 2027, dhe Fodeni shprehet i lumtur që do të vazhdojë në ekipin e tij të zemrës.

Sfidanti.al