Cristiano Ronaldo nuk e ka pritur aspak mirë zëvendësimin e tij në ndeshjen e Al-Nassr ndaj Al-Ettifaq, duke shfaqur hapur nervozizmin për vendimin e trajnerit Ange Postecoglou. Al-Nassr realizoi një përmbysje spektakolare në transfertë, duke fituar 3-2 pasi ishte duke humbur 2-0, ndërsa protagonisti kryesor i kampionëve të Arabisë Saudite ishte Sadio Mane, i cili u shndërrua në heroin e skuadrës me paraqitjen e tij.

Megjithatë, vëmendjen më të madhe e mori një moment në fillim të pjesës së dytë, kur Postecoglou vendosi të nxirrte nga loja Cristiano Ronaldon që në minutën e 46-të, një vendim që ylli portugez nuk e priti mirë. Ronaldo u pa dukshëm i irrituar teksa largohej nga fusha dhe reagimi i tij nuk kaloi pa u vënë re, me sulmuesin që shfaqi hapur pakënaqësinë ndaj zëvendësimit. Në fund, rezultati i dha të drejtë trajnerit të Al-Nassr, që përmbysi disavantazhin e dy golave dhe mori tri pikët, por reagimi i Ronaldos ndaj vendimit të trajnerit mbeti një nga episodet më të komentuar të takimit.