Vizita e Andrea Pirlos dhe Marco Materazzit në Moskë nuk kaloi pa u vënë re. Dy ish-futbollistët italianë, fitues të Kupës së Botës në vitin 2006, udhëtuan për në kryeqytetin rus fundjavën e kaluar për të ndjekur finalen e Kupës së Rusisë midis Sparak Moskës dhe Krasnodarit dhe më pas morën pjesë në një aktivitet të organizuar nga një sponsor, siç dëshmohet nga një video që tregon Pirlon duke nënshkruar autografe.

Vendimi u konsiderua gjithashtu i papërshtatshëm, duke pasur parasysh se pikërisht në atë moment Kremlini po niste një nga sulmet e tij më masive ndaj Ukrainës. Pirlo u shënjestrua veçanërisht jo vetëm nga komentet në mediat sociale nën postimet e tij të fundit në Instagram, por edhe nga një figurë e njohur në sportin ukrainas, atleti Vladyslav Heraskevych.

Domethënë, njeriu që doli në titujt kryesorë të mediave ndërkombëtare gjatë Lojërave Olimpike Dimërore Milano-Cortina 2026, kur iu ndalua nga IOC që të garonte për shkak se mbante një helmetë me fytyrat e 24 bashkatdhetarëve të tij të vrarë në konfliktin midis Rusisë dhe Ukrainës, një vendim i diktuar nga rregulli që ndalon “çdo demonstrim ose propagandë politike”.

sfidanti.al