Sulmuesi francez me Paris Saint-Germain, Ousmane Dembélé, ka folur për aspiratat e tij dhe të ekipit kombëtar të Francës për FIFA World Cup 2026 në Shtetet e Bashkuara, Meksikë dhe Kanada këtë verë, duke theksuar se skuadra “di çfarë duhet për të shkuar deri në fund”. Në një intervistë për CNN, 28-vjeçari shprehu besimin e tij te Les Bleus, duke theksuar se Kombëtarja franceze është e përgatitur dhe e fokusuar për të fituar trofeun më të rëndësishëm botëror. Ai përmendi se ekipi ka një “mision” të qartë në SHBA dhe se presioni për sukses është pjesë e përpjekjes për t’u ngritur në majë të futbollit ndërkombëtar. Dembélé ka pasur një sezon të jashtëzakonshëm me PSG, ku ka kontribuar në tituj dhe ka fituar çmime të rëndësishme individuale pas performancave të tij të shkëlqyera. Përveç kësaj, ai është një nga figurat kryesore të sulmit francez dhe pritet të luajë një rol kyç në sfidat e Francës në Botëror. Francezi, i njohur për shpejtësinë, driblimet dhe aftësinë për të ndryshuar fatin e një ndeshjeje – pritet të jetë një nga lojtarët më të shikuar në turneun që do të zhvillohet gjatë verës në Amerikën e Veriut.

sfidanti.al