Jorge Messi, babai i Lionel Messit, është ndarë nga jeta në moshën 68-vjeçare. Ai ndërroi jetë mbrëmjen e djeshme, rreth orës 22:00, në një klinikë në Rosario të Argjentinës, pas një beteje të gjatë me një sëmundje.

Jorge Messi ishte bashkëshorti i Celia Cuccittinit dhe babai i Lionel, Rodrigo, Matías dhe María Sol. Përtej rolit të tij si baba, ai ishte një figurë qendrore në karrierën e jashtëzakonshme të djalit të tij, duke qenë për shumë vite udhërrëfyesi dhe mbështetja e tij kryesore jashtë fushës.

Ishte Jorge ai që luftoi që Leo i vogël të merrte trajtimin e nevojshëm mjekësor për problemet e rritjes, në kohën kur luante te Newell’s Old Boys. Më pas, ai e shoqëroi djalin e tij në aventurën e madhe drejt Evropës, duke qëndruar pranë tij në Barcelonë, ndërsa pjesa tjetër e familjes qëndroi në Rosario.

Jorge Messi luajti kështu një rol të rëndësishëm në rrugëtimin që e çoi Lionel Messin nga Rosario drejt majave të futbollit botëror.