Do të marrin më pak shpërblim financiar sesa djemtë, por për momentin, ato kanë fituar gjënë më të rëndësishme në sport, një trofe. Nuk është diçka dosido ajo që kanë marrë vajzat e kombëtares së futbollit të Anglisë, pasi triumfuan në finalen e Kampionatit Europian ndaj Gjermanisë, 2-1 në”Uembli”. Pas suksesit, një festë e madhe u organizua në Londër, dhe futbollistet e mbiquajtura “luaneshat” u harbuan me rreth 7 000 tifozë të pranishëm duke thirrur se “ne luajmë ashpër, por ne festojmë edhe më egër”. Ngacmimi ishte për kapitenin e Anglisë së djemve, Harri Kejn, pasi ekipi i “luanëve” nuk ka fituar ende asnjë trofe. Anglezet premtuan se do të fitojnë Kupën e Botës vitin e ardhshëm.

Sfidanti.al