Sulmuesi i kombëtares shqiptare, Arbër Hoxha ka gjetur rrugën e rrjetës mbrëmjen e djeshme me skuadrën e Dinamos së Zagrebit në kampionatin kroat. 26-vjeçari u fut në fushë si zëvendësues në sfidën kundër Sibenikut dhe 15 minuta më vonë shënoi golin e dytë për skuadrën e tij. Hoxha dha edhe asistin e golit të tretë. Falë paraqitjes në fushën e blertë u vlerësua si lojtari më i mirë i ndeshjes nga faqja e specializuar e statistikave Sofascore, që i dha notën 8.2.

sfidanti.al