Vetëm Robert Levandovski (18) dhe Erling Haland (16) kanë shënuar më shumë sesa ai në Europë këta dy vjet. Romelu Lukaku është, siç e quan “Il Korriere delo Sporti”, “floriri i Kontes”, ndërsa dygolëshi i tij dha fitoren Interit në Gjermani në Champions. Sulmuesi belg ka 13 rrjeta në kontinent në 2019-2020, ka 11 gola në sezon, dhe ishte ai që i dha shpresë zikaltërve se mund të kualifikohen për në turin tjetër.

“Unë jam një nga 25 lojtarët e ekipit, – tha me modesti ai pas ndeshjes ndaj Gladbahut, – tek Interi ka lojtarë me më shumë përvojë sesa unë, dhe thjesht dua që të jap ndihmën time. Kurrë Interi nuk ka qenë më i fortë sesa tani, por nuk duhej të kishim pësuar gola të tillë. Në 3-1 duhej ta kishim mbyllur ndeshjen. Unë po luaj futbollin më të mirë të jetës sime, falë stafit teknik të Interit”.

Sfidanti.al