Tashmë është zyrtare: Herald Marku është një lojtar i Vllaznisë. 30-vjeçari rikthehet në Shkodër, aty ku 5 vite më parë fitoi Kupën e Shqipërisë me fanellën kuqeblu. “Një rikthim në shtëpi. Një emër që e njeh mirë peshën e kësaj fanelle. Herald Marku rikthehet te Vllaznia për sezonin 2026–2027, aty ku 5 vite më parë ngriti Kupën me ngjyrat kuq e blu. Sot rikthehet me një objektiv të qartë: Titullin kampion”, shkruhet në njoftimin e klubit shkodran. Sezonin e kaluar Marku ishte pjesë e Flamurtarit, klub me të cilin u aktivizua në 29 ndeshje, duke shënuar edhe 3 gola për skuadrën vlonjate.