Furia e treguar mund t’i kushtojë disa muaj pezullim teknikut Paulo Fonseca. Pavarësisht fitores së Lyon, trajneri portugez u bë protagonist i një momenti tensioni ekstrem me arbitrin Benoît Millot, i cili i tregoi një karton të kuq direkt. Ish-trajneri i Milan u ngrit me nervozizëm nga pankina për të protestuar dhe iu afrua në fytyrë arbitrit, duke shpërthyer në zemërim për disa sekonda. Fatmirësisht, situata nuk eskaloi në një konfrontim fizik.

Çfarë ndodhi mes Fonseca dhe arbitrit?

Vendimi do të varet nga raporti i arbitrit Millot, i cili, sipas asaj që ka raportuar “L’Équipe”, mund të mos jetë aspak tolerant. Pas përfundimit të ndeshjes Brest-Lyon, ai shpjegoi se si trajneri portugez humbi kontrollin dhe iu afrua kërcënueshëm: “Ai pati një sjellje edhe më shqetësuese, duke tentuar të godasë me grusht, madje edhe me kokë. Lojtarët dhe stafi i tij u përpoqën ta ndalonin, madje ndërhynë edhe forcat e sigurisë.”

Fonseca shpërtheu për një penallti të pretenduar për Brest, e cila u rishikua nga VAR dhe nuk u akordua. Për fat të mirë, ai dhe Millot nuk arritën në përleshje fizike, por arbitri theksoi se sjellja e tij ishte “intimidimi i pastër” – një faktor që mund të çojë në një pezullim më të gjatë: “Ka pasur një kontakt të lehtë me hundën time… Ishte një gjest jashtëzakonisht intimidues dhe agresiv, diçka që nuk pritet nga një trajner profesionist.”

sfidanti.al