Gjëra futbolli, gjëra konkurrence dhe nervash. Kështu ndodhi në Derbin e Italisë mes Juventusit dhe Interit, por përplasja nuk ishte për top, nuk ishte sportive, por ishte mes një lojtari dhe tifozëve. Edin Xheko, sulmuesi boshnjak i zikaltërve, u vu në shenjë nga tifozeria e organizuar juventine pasi pak minutë më herët ia kishte marrë topin dhunshëm njërit prej djemve të vegjël që mbledhin sferën prapa portës apo përtej vijave anësore. Kjo nuk u pëlqeu tifozëve që shanë në kor Xhekon, dhe ky i fundit reagoi në një moment në një mënyrë që e tregon fare mirë fotografia.

Sfidanti.al