Me ardhjen e trajnerit Ilir Daja, skuadra e Dinamo Sitit kërkon të bëjë një skuadër sa më konkurruese për vijimësinë e kampionatit të “Abissnet Superiore”. Për këtë aryse, klubi blu ka zyrtarizuar blerjen e dy lojtarëve në repartin e mbrojtjes. Për të arritur pretendimet e saj në kampionatin e “Abissnet Superiore”, Diamo Siti kërkon t’i sigurojë trajnerit Ilir Daja një skuadër sa më konkurruese. Për këtë arsye klubi dinamovit, vazhdon të jetë aktiv në merkato, teksa ka zyrtarizuar të premten dy blerjet e fundit.

Janë dy mbrojtës të cilët do të ndihmojnë në repartin e prapavijës. Lajmi është konfirmuar nga vetë klubi blu, nëpërmjet faqes së vet zyrtare në facebook. Fillimisht Dinamo Siti ka prezantuar Agron Rufatin e më pas Antonio Miçon, të cilët do të jenë dy alternativa më shumë në dispozicion të trajnerit Ilir Daja për vijimin e kampionatit. Agron Rufati, 25-vjeçari i lindur në Zagreb e ka nisur karrierën me ekipin e Dinamos së Zagrebit, për të kaluar më pas me NK Istra, Zorya Lugansk, Academica Clince dhe në sezonin e fundit ishte pjesë e skuadrës AP Brera në Maqedoninë e Veriut. Ndërsa Antonio Miço, qendërmbrojtësi 24-vjeçar i lindur në Greqi, karrierën e ka zhvilluar në shtetin helen me ekipe si Panionios, Ergotelis dhe Karmiotissa në Qipro, ndërsa sezonin e fundit ishte pjesë e skuadrës AO Egaleo.

sfidanti.al