Karim Benzema mund të largohet së shpejti nga Al Ittihad dhe nga Liga Profesionale Saudite. Sulmuesi francez dhe klubi nga Arabia Saudite janë në një debat të ashpër për rinovimin e kontratës së tij: oferta e dërguar nga klubi u konsiderua fyese nga lojtari 37-vjeçar, i cili zgjodhi të përjashtohej nga ndeshja e pasdites së sotme kundër Al-Fateh, e cila përfundoi 2-2.

Sipas L’Equipe, Benzema do të donte të merrte një pagë të ngjashme me atë të Cristiano Ronaldos (200 milionë për sezon), ndërsa ajo aktuale është rreth gjysma e kësaj page. Klubi saudit, i drejtuar nga Sergio Conceicao dhe aktualisht i renditur i gjashti në kampionat, thuhet se është përpjekur t’i plotësojë disa nga kërkesat e ish-lojtarit të Real Madridit duke i ofruar një kontratë të favorshme që përfshin të drejtat e imazhit, por Benzema nuk është aspak i bindur dhe duket se ka të ngjarë të shkëputet plotësisht nga klubi.

sfidanti.al