Ralf Rangnick nuk do të jetë pjesë e projektit të Milanit. Pas javësh të tëra negociatash dhe pasigurie, tekniku gjerman ka vendosur të refuzojë ofertën e klubit kuqezi dhe të vazhdojë punën si trajner i kombëtares së Austrisë.

Sipas asaj që raporton “La Gazzetta dello Sport”, Rangnick ka zgjedhur të qëndrojë në krye të Austrisë, duke u dhënë fund spekulimeve që e lidhnin me një rikthim në futbollin e klubeve. Vendimi ka ardhur pasi Federata Austriake e Futbollit i kërkoi trajnerit të qartësonte të ardhmen e tij përpara nisjes së aventurës në Botërorin 2026.