Prej tetë vitesh, portieri brazilian Ederson është titullari i Manchester City. Për spanjollin Pep Guardiola ka qenë i pazëvendësueshëm dhe ka kontribuar në këtë mori trofesh, mbi të gjitha në Champions League të vitit 2023. Këtë sezon, vendi si titullar nuk është më i padiskutueshëm, pasi e ka ndarë vendin me Ortega. Por te City, ai do të mbetet gjithmonë një legjendë, për një fakt kurioz. Ka luajtur 361 ndeshje me fanellën e “Citizens” dhe në secilën prej atyre ndeshjeve ka veshur të njëjtën palë të brendshme.

Supersticioni, siç dihet, është një element i fortë në sport. Ka nga ata që e fshehin dhe nga ata që jo. Historia është plot me sportistë supersticiozë. Lista është e gjatë: nga shishet e ujit të Nadal, te pantallonat e Michael Jordan, këpucët e Toni Kroos dhe puthja fatlume e Blanc në kokën e Barthez. Kësaj liste i shtohet edhe Ederson Moraes, i njohur vetëm me emrin e tij të pagëzimit. Portieri i Manchester City ishte protagonist në emisionin “Match of the Day” të BBC-së.

Ederson dha një intervistë për Shay Given, ish-portier i shkëlqyer irlandez i Newcastle dhe Manchester City. Në një bisedë të gjatë, Given e pyeti numrin një të Guardiolës nëse kishte ndonjë supersticion. Ederson nuk u fsheh dhe me sinqeritet rrëfeu gjithçka, duke thënë se në këta tetë vite, çdo herë që ka zbritur në fushë me Manchester City ka veshur të njëjtat të brendshme: “Kam vetëm një supersticion. Luaj çdo ndeshje me të njëjtën palë të brendshme. Të njëjtat prej tetë vitesh.” Given iu përgjigj: “Nuk duhet të jenë në gjendje të mirë.”

sfidanti.al