Iker Kasijas dhe Xhanluixhi Bufon. Nuk besojmë se ka portierë të tjerë që, gjatë dy dekadave të fundit, mund të krahasohen me këta dy gjigantë. Njëri është legjendë e Juventusit, kurse tjetri i Realit dhe të dy ata janë ndër portierët dhe sportistët më të mëdhenj në futbollin evropian dhe botëror. Megjithëse, ai bën tifozllëk për Realin e tij, Kasijasi konsideron se nuk ekziston lojtar tjetër që ta meritojë më shumë Ligën e Kampioneve sesa Bufoni.

“Po të mos kishte përballë Realin, në Kardif, unë do të uroja me gjithë zemër që ai ta fitonte, sivjet, Ligën e Kampioneve. Ai ka fituar gjithçka, por ky trofe i i ka shpëtuar, kështu që ai merr një peshë edhe më të madhe për të. Xhixhi ka treguar se, edhe pse 39 vjeç, ai është më i miri”, deklaroi Kasijasi në intervistën e tij të djeshme në “Gazetën delo Sport”. Bufoni është tre vite më i madh sesa Kasijasi që thotë se Xhixhi ka qenë shembull për të, qysh në fillim të karrierës.

Sfidanti.al