Është njeri i golit, edhe pse shpesh ka qenë në diskutim. Alvaro Morata, një “prodhim” i “La Fabrikës”, Akademisë së Realit të Madridit, po e fiton “bukën e gojës” tek rivalët e Atletikos, ndërsa u bë protagonist i një momenti për të qeshur. Sulmuesi spanjoll shënoi për 2-0 për Atletikon në ndeshjen e kampionatit ndaj Elçes, pasi Zhoao Feliksi kishte shënuar të parin. Gjithsesi, Morata nuk e kishte idenë se kishte qenë ai autori i golit, ndaj edhe u habit shumë kur shokët shkuan ta përgëzonin. Veprimi dhe fytyra e tij nuk lanë dyshime, pasi drejtoi gishtin nga vetja dhe tha “Unë?”!

Sfidanti.al