Një moment simbolik dhe i rrallë pret kampionët e Italisë, teksa Interi do të përjetojë një ditë të veçantë jashtë fushës së blertë. Pas fitimit të titullit të 21-të në Serie A, zikaltrit janë ftuar në Vatikan për një audiencë me Pope Leo XIV. Takimi me Papën është caktuar për datën 9 maj, në orën 10:00 të mëngjesit, duke i dhënë ekipit një tjetër moment krenarie pas suksesit në kampionat.

Vizita në Vatikan pritet të jetë një përjetim unik për lojtarët dhe stafin, duke bashkuar sportin me një dimension shpirtëror dhe institucional. Por dita e Interit nuk përfundon aty. Vetëm pak orë më vonë, skuadra do të rikthehet në fushë për një tjetër sfidë të rëndësishme. Në mbrëmje, në orën 18:00, zikaltërit do të përballen me Lazion në “Olimpico”. Një program i ngjeshur dhe plot emocione për kampionët, që nga solemniteti i Vatikanit kalojnë direkt në intensitetin e futbollit italian. Kjo ditë pritet të mbetet gjatë në kujtesën e klubit dhe tifozëve, si një kombinim perfekt mes lavdisë sportive dhe një nderi të rrallë ndërkombëtar.

sfidanti.al