Juventus  ‘rezervon’ tjetër takim me Bjorn Kuipers. Arbitri holandez do të jetë ai që do të vendosë drejtësinë në sfidën mes bardhezinjve dhe Monacos javën e ardhshme në gjysmëfinalen e kthimit të Ligës së Kampioneve. Kuipers e arbitroi Juventusin edhe në çerekfinalen me Barcelonën në sfidën e zhvilluar në Camp Nou në 19 prill, ndeshje që përfundoi me barazimin 0-0. Kuipers do të ndihmohet në këtë ndeshje nga anësorët Pol van Boekel e Danny Makkelie.  Gjyqtari I katërt  do të jetë Mario Dicks. Në këtë edicion të Ligës së Kampioneve, Kuipers ka gjykuar Juventusin edhe në ndeshjen e 2 nëntorit me Lyonin e përfunduar 1-1. Përpara kësaj sfide Juventus ka parë Kuipërs të arbitrojë ndeshje të tij në 3 nëntor 2015, atë ndaj Borussia Moenchengladbach-Juve  edhe kjo e mbyllur 1-1.

sfidanti.al