Andy Robertson pritet të largohet nga Liverpooli në fund të sezonit, duke mbyllur një nga kapitujt më të suksesshëm të karrierës së tij. Mbrojtësi skocez do të largohet si lojtar i lirë, pasi kontrata e tij skadon këtë verë dhe deri tani nuk është arritur një marrëveshje për rinovim mes palëve. Ky zhvillim ka surprizuar jo pak tifozët, duke parë rëndësinë që ai ka pasur në skuadër ndër vite.

Që nga transferimi i tij në vitin 2017, Robertson është shndërruar në një nga mbrojtësit e majtë më të mirë në botë, duke qenë një shtyllë e rëndësishme në sukseset e Liverpoolit. Ai ka qenë pjesë kyçe në fitimin e titullit në Premier League, si dhe në triumfin në Champions League, duke kontribuar vazhdimisht me paraqitje të qëndrueshme dhe asistime të shumta. Stili i tij energjik dhe përkushtimi në fushë e kanë bërë një nga lojtarët më të dashur për tifozët në “Anfield”.

sfidanti.al