Këtë batutë edhe thotë njëri nga lojtarët qendër, Endrju Bogat. “Kur shikoj në dhomën tonë të zhveshjes, më duket si një sallë spitali”, – tha basketbollisti i kampionëve. Golden Stejti do të ndeshet gjatë mëngjesit të sotëm me Toronton duke mos e pasur sërish Kevin Durantin. Trajneri Stiv Kerr e konfirmoi zyrtarisht mungesën e dy herë lojtarit më të mirë të finaleve të NBA-së. Mungesë edhe lojtari qendër, Kevin Lunej, një nga më aktivët e sezonit, por për fat është kthyer Demarkus Kouzins.

Në dyshim mbetet edhe kapiteni Klej Tompson (në foto), i cili doli me dëmtim në kavilje nga ndeshja e dytë e finaleve të NBA-së, luajtur në Toronto. Tompson është stërvitur, por stafi mjekësor dhe trajneri duhet të marrin një vendim. “Nuk e shoh veten time që të mos luaj, – tha kapiteni, – nuk kam pasur dhimbje të madhe. Personalisht, jam gati dhe shpresoj që para ndeshjes të jem edhe më mirë, dhe të jem në parket”. Finalet e NBA-së janë në barazim 1-1, pas dy ndeshjeve të para në Toronto.

Sfidanti.al