Klubi i Salzburgu ndryshon logon e tij për të luajtur në Ligën e Kampioneve në turin paraeliminator. Është UEFA që e detyron klubin austriak të ndërmarrë këtë hap kjo për faktin se logoja aktuale e Salzburgut është tejmase e ngjashme me atë të Leipzigut që është kualifikuar tashmë në fazën e grupeve të këtij kompeticioni. Në logon e përdorur deri tani nga Salzburg, shfaqeshin 2 dema, ndërsa në atë të ndryshuar është vetëm 1. Po kështu stema do të bëhet e rrumbullakët ndërkohë që emri i skuadrës nuk do të shkruhet më RB Salzburg, por FC Salzburg. Dhe të mendosh që tifozët e Salzburg 12 muaj më parë kërkuan një modifikim të logos dhe të shtonin një yll, kërkesë që u refuzua nga drejtuesit e Red Bull me këta të fundit që do të jenë të detyruar ta bëjnë këtë me urdhër të UEFA. historia e logos sjell në mendje një ngjarje shumë kurioze. Përpara një viti në ndeshjen mes Salzburgut dhe Liepaja Riga, Andreas Ulmer që ishte pjesë e skuadrës austriake veshi pa e kuptuar uniformën e Leipzigut. E megjithatë askush nuk e vuri re kjo për shkak të ngjashmërisë së madhe të uniformave të të dyja skuadrave. UEFA, që lejoi pjesëmarrjen e këtyre dy skuadrave në Champions League pasi verifikoi se Red Bull nuk i kontrollonte të dyja klubet, vendosi që të urdhërojë Salzburgun të ndryshojë logon.

sfidanti.al