A doni të shikoni një anë të dobët morale të një ekipi përfaqësues ? Mbyllim sytë para ndeshjes së fundit me San Marinon, ku u gëzuam si të çmendur ( kujtoni festën e Asallanit) që shënuam me penallti në fund të ndeshjes. Cila është kjo anë e dobët morale? Kur e  përflet  trajnerin që ka ikur, pikërisht Silvinjon,  dhe , pa pikë cipe , lëvdon dhe i qurravitesh  trajnerit që sapo ka ardhur…Maranin !

Nuk është më  kuriozitet, kur  futbollistët e Kombëtares,të cilët  dalin nëpër intervista para ndeshjes , leshojnë kritika ..për të kaluarën e keqe dhe ..beskojnë të ardhmen e ndritur. Po ta dëgjoje mbrojtësin e Kombëtares, Ardian Ismajli, nuk do të besoje: “ Silvinjo ka luajtur një futboll shumë difensiv, shumë statik . Ai futboll nuk ekziston më. Futboll modern quhet ai që luan trajneri i sotëm..Maran”

Kjo që po sajon Kombetarja, na  qënka britma e fundit e modës! Është  aq modern futbolli që po luajmë me trajnerin Maran, sa vetëm në ndeshjen e fundit,  me San Marinon , edhe kapiteni Gjimshiti pranoi publikisht se San Marino na dha leksion dhe na shenoi edhe golin e saj historik …

Në prag të ndeshjes me Finlandën, e vetmja gjë që është moderne dhe e garantuar , nuk është qasja e  lojës kolektive të ekipit, por …njoftimi  bujëmadh  se  “ biletat u shitën” edhe për ndeshjen me Finlandën..

Sfidanti.al