Carlos Alcaraz është rikthyer në fushë në dyshen mikse të US Open, duke luajtur në çift me amerikanen Serena Williams, në një rikthim që erdhi pas më shumë se katër muajsh mungesë për shkak të dëmtimeve. Paraqitja e spanjollit ishte pozitive, pasi Alcaraz dhe Williams mposhtën në 1/8 e finaleve çiftin e përbërë nga Erin Routliffe dhe Lloyd Glasspool, me rezultatin 5-3 dhe 4-1, në një ndeshje që zgjati vetëm 59 minuta. Pas një fillimi disi të tensionuar, Alcaraz e lëshoi krahun dhe luajti me më shumë vendosmëri, i ndihmuar edhe nga qetësia e Williams. Pas ndeshjes, gjatë intervistës në fushën e Flushing Meadows, Alcaraz pranoi se ishte “shumë nervoz” në fillim dhe se po përpiqej të kuptonte se si ndihej pas rikthimit. Në fund, spanjolli u shpreh “shumë i kënaqur dhe i elektrizuar” për rikthimin në fushë pas një kohe të gjatë. Megjithatë, rrugëtimi i Alcaraz dhe Serena Williams u ndërpre në çerekfinale, ku ata u mposhtën nga çifti Flavio Cobolli dhe Belinda Bencic, me rezultatin 5-4 dhe 4-1.