Wayne Rooney ka mbështetur Arsenalin që ta fitojë “me lehtësi” titullin e Premierligës përpara Manchester Cityt.

“Unë mendoj se Arsenal do ta fitojë,” tha Rooney në emisionin “Match of the Day”.

“E kam menduar këtë edhe pasi Manchester City mundi Arsenalin. Mendova se ndoshta ishte pak në kokën e lojtarëve të Arsenalit, duke luajtur në fushën e Cityt dhe duke humbur finalen e kupës ndaj tyre”, tha ai fillimisht.

“Por fakti që mbetën aty, në nivel pikësh pas asaj humbjeje, dhe duke parë kalendarin më të favorshëm, mendoj se do t’i fitojnë të gjitha ndeshjet”, shtoi ai.

“Mund ta shoh Cityn të humbasë pikë në një ose dy ndeshje. Madje, mendoj se Arsenali mund ta fitojë titullin relativisht lehtë, ndoshta me tre deri në pesë pikë diferencë”, u shpreh anglezi.