Sulmuesi brazilian, Neymar, nuk u ftua në grumbullimin e ekipit kombëtar brazilian për ndeshjet miqësore kundër Francës dhe Kroacisë në fund të marsit. Ylli i Santosit shprehu keqardhjen e tij që trajneri Carlo Ancelotti nuk e përfshiu atë. Megjithatë, Neymar tha se mbetet plotësisht i përqendruar në performancën e tij për të siguruar një vend për Kupën e Botës 2026.

“Kjo nuk mund të kalojë pa u vënë re. Nuk mund të hesht. Sigurisht që jam i mërzitur dhe i trishtuar që nuk u ftova. Megjithatë, fokusi mbetet, ditë pas dite, stërvitje pas stërvitjeje, ndeshje pas ndeshjeje. Ne mbetemi të përqendruar. Do ta arrijmë qëllimin tonë. Ende kemi listën përfundimtare përpara”, ka thënë Neymar për “Globo”.

sfidanti.al