Dashuri dhe urrejtje! Zbulohet një sekret  tjetër në thellësi të Kombëtares! Jasir Asani dhe trajneri Silvinjo nuk flasin prej kohësh, madje nuk kryqëzojnë as sytë qysh nga ndeshja e parë me Anglinë. Është sosur durimi dhe më në fund sekretin e ka nxjerrë vetë futbollisti, që po jeton jetën e dytë më Silvinjon.

E para ishte “parajsa”, kur Asani ishte më i preferuari i Silvinjos dhe nuk guxonte kush ta  prekte. E dyta, “ferri”,  kjo që ishte futur thellë në brendësi të  guackës kuqezi dhe mbahej  sekret.  Silvinjo dhe Asani nuk “dashurohen” si më parë, më keq akoma kur trajneri i ka ndaluar vetes edhe sytë që t’ia hedhë..

E pranon vetë Asani,  raportet janë prishur keqazi: “Kam luajtur ndeshjen e fundit me Kombëtaren në Angli dhe qysh atëhere nuk flasim me gojë. Edhe kur ndeshemi përballë, ka frikë të më shikojë..”

Po cila lloj tradhëtie shfaqet  këtë herë? Asani nuk e thotë, Silvinjo vetë  vazhdon tregon përrallën “samba” se futbollistët janë aq të lumtur në Kombëtare, sa kurrë më pare. Edhe i harruari Cikalleshi, nga lumturia e madhe që kishte plasur iku nga Kombëtarja. Edhe Seferi mbylli iku si me magji , por jo më pak Ernest Muçi, të cilit i kërkohet vetëm një gjë e vogël : të vërë unazë me menexherin e Silvinjos dhe jo atë që ka bërë karierën…

Sfidanti.al