Shqipëria do të organizojë për herë të parë në histori një kompeticion të madh, siç është Europiani U21 në vitin 2027. Por, Shqipëria nuk do të jetë e vetmja organizatore, duke qenë se UEFA ka përcaktuar edhe Serbinë si vend organizator, vendim ky që ka sjellë jo pak polemika dhe pakënaqësi, sidomos te tifozët shqiptarë pasi tashmë dihen problemet politike mes dy vendeve. Sakaq, gjatë ditëve të fundit në Tiranë ka mbërritur një delegacion pune nga UEFA për të inspektuar stadiumet në të cilat do të zhvillohen ndeshjet e EuroU21 2027. Veç stadiumeve, zyrtarët kanë parë nga afër edhe fushat stërvitore dhe rreth 28 hotele në të cilat do të grumbullohen skuadrat pjesëmarrëse në Euopian, ku pranë hotelit do të jenë fushat. Duke formuar “Team Base Camp”. Europiani do të luhet në 4 stadiume shqiptare, ku veç “Air Albania” që do të presë edhe finalen, do të jenë edhe “Loro Boriçi”, “Niko Dovana” dhe “Arena Egnatia”. Ky turne zhvillohet në qershor të vitit 2027, ku pjesëmarrëse do të jenë 16 skuadra, ku Shqipëria dhe Serbia janë konfirmuar si vende organizatore.

sfidanti.al