Ish-mbrojtësi i Manchester United, Paul Parker, ka hedhur kritika të ashpra ndaj portierit kamerunas André Onana, duke vënë në dyshim aftësitë e tij si portier. Komentet e tij erdhën pak para rikthimit të Onana-s në formacionin titullar të Sportingut të Lisbonës, në ndeshjen kundër Lyonit të Paulo Fonsecas, për UEFA Europa League. Trajneri Rúben Amorim konfirmoi se Onana do të rikthehet në portë pas mungesës në humbjen me Newcastle, ndërsa gjithashtu bëri me dije se sulmuesi Zirkzee do të mungojë deri në fund të sezonit për shkak dëmtimi.

Megjithatë, vëmendja u përqendrua te kritikat e Paul Parker, i cili për SPORTbible deklaroi:

“Unë nuk e shoh Onana-n si një portier natyral. Ai nuk ka duar të sigurta dhe ndoshta do të ishte më i mirë si mbrojtës i djathtë. Në pritje, nuk di të përdorë këmbët siç duhet dhe reagon në mënyrë të çuditshme. Duart i ka të dobëta. Duket sikur portieri është ndëshkuar dhe një qendërmbrojtës është vendosur në portë.”

Këto fjalë erdhën si reagim ndaj një tjetër deklarate të ashpër, të bërë nga mesfushori i Lyon-it dhe ish-lojtari i Benfica-s, Nemanja Matic, i cili u shpreh se Onana është “një nga portierët më të dobët në historinë e Manchester United”.

Parker mbështeti plotësisht opinionin e Matic:

“Matic tha në konferencën për shtypin atë që shumë komentues të Premier League nuk guxojnë ta thonë. Por ka vite që thuhet se Onana nuk është i denjë për të qenë numri një te Manchester United. Ai i tha gjërat troç, dhe pati të drejtë.” Onana është aktualisht në sezonin e tij të dytë në ‘Old Trafford’, dhe deri më tani ka grumbulluar 43 ndeshje me fanellën e United. Por, performanca e tij vazhdon të jetë objekt kritikash të forta, si nga ish-lojtarë të klubit, ashtu edhe nga ish-shokë skuadre.

sfidanti.al