Presidenti i Barcelonës, Joan Laporta, dhe trajneri i ekipit të parë, Hansi Flick, u takuan këtë pasdite gjatë një ekspozite fotografike të Fondacionit Barcelona, e cila feston 30-vjetorin e saj. Me këtë rast, Laporta foli dhe i drejtoi fjalë të ngrohta trajnerit gjerman:

“Na pëlqen mënyra se si e respekton këtë klub. Po bën një punë të shkëlqyer, të gjithë e dinë. Jemi më shumë se të kënaqur me ty, Hansi.”

Më pas, vëmendja e Laportës u përqendrua te La Liga dhe te polemikat e fundit mbi shitjen e VIP Box në ‘Spotify Camp Nou’ të ri: “Te Barcelona duhet të luftojmë kundër gjithçkaje dhe të gjithëve. Trajneri ynë tashmë po vuan. Kur dalin lajme të tilla, ai më pyet: A do të ndodhë përsëri? Dhe unë i them se nuk e di, por që do të vazhdojmë të luftojmë. Nisma si Fondacioni na pastrojnë shpirtin, na rinovojnë dhe na japin forcën për të vazhduar të luftojmë e për të qenë ata që jemi: kokëfortë dhe krenarë, ‘culés’ dhe katalanas.”

sfidanti.al