Sokol Cikalleshi vazhdon të shënojë me rregullsi edhe në radhët e skuadrës së tij të re, Traktor në Iran. Pasi la shenjë pak ditë më parë me ekipin e tij duke shënuar 3 gola në një ndeshje në kampionat, sot ish-sulmuesi i Kombëtares ka gjetur rrugën e rrjetës edhe në Kupën e Iranit. Në ndeshjen kundër Gol Gohar, ishte pikërisht sulmuesi shqiptar ai i cili shënoi golin e avantazhit me anë të një penalltie, duke e transformuar saktësisht atë. Më pas rezultati u përmbys nga miqtë të cilët fituan me shifrat 2-1 këtë duel të parë mes skuadrave.

sfidanti.al